Тилла тугма
11:21 / 30.08.2019 | P r | 1809
Ассалому алайкум! Мархама ва унинг ўғли Расулуллоҳ соллаллоҳу алайҳи васалламни олдиларига борганда, у зотни устида тилла тугмали дебождан тикилган яктак чопон бор эди! Бу тилла харом қилинишидан олдинги холат эканлигини билдим. Бази вақтларда сахобалар билан битта хурмони 7та одам бўлиб еган вақтлари бўлган экан. Кўп ривоятларда келади егани фақат сув ва хурмо бўлган вақтларини Шунақа одий хаётда яшашганлар! Пайғамбаримиз алайхисаломда киймининг тугмасини тилладан қиладигон даражада бойлиги бўлган вақтлари хам бўлган эканда, тўғрими?
«Зикр аҳлидан сўранг» ҳайъати:
– Ва алайкум ассалом! Расулуллоҳ соллаллоҳу алайҳи васалламга бутун дунё ҳазиналарининг ихтиёри берилган. У зот қабул қилмаганлар. Қўлларига тушган ҳар қанча бойликни тарқатиб юборганлар. Бу дегани Расулуллоҳ соллаллоҳу алайҳи васалламда қимматбаҳо кийим ёки улов бўлмаган дегани эмас. Дунё подшохлари тинмасдан ҳадиялар жўнатиб туришган. У зот буни қабул қилишларини подшохлар ўзларига шараф деб билишган. Валлоҳу аълам!
