Шайтон уятсизлиги
10:44 / 08.09.2019 | 1612
Ассалому алайкум! Ҳурматли устозлар саволимга жавоб берганингиз учун ташаккур. Бу ҳадис ҳақида сайтдан маълумот топа олмадим.
Абу Ҳурайра (р.а.) дан ривоят қилинди:
➖Расулуллоҳ ﷺ дедилар: «Шайтон сизлардан биронтангизнинг олдига келадида орқасига пуфлайди , у (намозхон) га ел чиққандек бўлиб туюлади, аслида эса ел чиқмаган бўлади.
➖Агар кимдаки шундай бўлса, (ел) овозини эшитмагунча, ёки ҳидини ҳис қилмагунча (намоздан) чиқиб кетмасин». (Бухорий, Муслим, Баззор ривояти.)
Ушбу ҳадис саҳиҳми?
«Зикр аҳлидан сўранг» ҳайъати:
– Ва алайкум ассалом! Бу ҳадис саҳиҳ. Бу ҳолат намозхон чиққанини аниқ билмасдан шак қилган ҳолатга тегишли. Мабодо чиққани аниқ бўлсаю, лекин овози ҳам ҳиди ҳам келмаса барибир таҳорат қилинади. Валлоҳу аълам!
