Намозни ёлғиз ўқисам бўладими
Ассалому алайкум! Бизнинг уйда дадам, акам ва мен намоз ўқимиз. Мен қиз фарзандман. Бомдод намозини 4ракат қисқа бўлганлиги учун акам ва дадам билан жамоат бўлиб ўқиймиз. Хуфтон намозини эса узунроқ бўлганлиги ва бирга ўқиганимизда акам ва дадам мендан тез ўқиганлиги учун мен улардан орқада қолиб кетаман. Агар мен ҳам тезроқ ўқисам ҳаёлимни бир жойга жамлай олмай қоламан. Улар мендан олдинлашиб кетгач менинг ҳаёлим "тезроқ уларга етиб олай" бўлиб қолади. Умуман хушуни ҳис қилмайман. Шунинг учун ўзим алоҳида хонада улар алоҳида хонада намоз ўқишяпти. Шундай қилганим тўғрими?
– Ва алайкум ассалом! Фарзларни иқтидо қилиб ўқиб, қолганини ўзингиз бошқа хонада ўқийверинг. Жамоатнинг савоби улкан бўлади. Бундан маҳрум бўлманг. Бамдодгача хуфтонни ўқиса бўлади. Валлоҳу аълам!
