Намоз

Ҳурматли ҳазрат. Мен москвада ишлайман. Алхамдулиллаҳ, Аллоҳ қодир қилганича намозни адо қиламан. Лекин бир кун иш билан оввора бўлиб, аср намози эсимдан чиқиб қолибди. Соатга қарасам, шом намози кирганига ҳам 10 дақиқа бўлибди. Нима қилай энди деб турсам, бир ҳадис эсимга тушиб қолди ( Жобир ибн Абдуллоҳ ривоят қиладилар: Ҳандақ куни қуёш ботгач Умар ибн Хаттоб келиб Қурайш кофирларини сўка бошладилар. Сўнг: “Ё Росулуллоҳ, қуёш ботай деб турганда аср ўқиб улгурдим” дедилар. Жаноб Росулуллоҳ: “Худо ҳаққи намоз ўқимабсан” дедилар. Кейин батхонга жўнадик. Етиб боргач, таҳорат олдилар, биз ҳам таҳорат олдик. Сўнг қуёш ботгач, аср ўқидилар. Ундан кейин шом ўқидилар). Кейин мен ҳам шундай қилдим. Биринчи аср ўқидим, кейин шом. Ҳазрат, шу қилганим тўғрими? Мен нима қилишим керак эди? Яна шундай воқеа бўлиб қолса, нима килай? Асрни қазо қилиб ўқийми ё шундай қилсам бўладими?