Ошхона иситилган таом
22:25 / 30.12.2021 | Aliy | 850
Ассалому алайкум! Мен турк ошхонасида четда ишлайман, донар тақилади ва ундан қанчадир миқдори (кесилгани) сотилмай қолиб кетади. Эртасига янги донар тақилиб ора сирада эскисини қўшиб сотилади. Бундай қилинмаса доимий зиён кўрилади, нарх навога ҳам таъсир қилади. Лекин бу ҳолатимиз ҳадисда келган (мазмуни) --- бир куни Расулуллоҳ алайҳиссалом гурунч сотаёткан одамнинг олдан ўтиб гурунчни ичини текширсалар усти қуруқ ичи хўл экан, мусулмонларни алдаган бизданмас, - деган эканлар... бу ҳолатда ишлашим жоизми, чет элдаман.
«Зикр аҳлидан сўранг» ҳайъати:
– Ва алайкум ассалом! Агар ўша нарса таомнинг сифатига таъсир қилмаса бунинг зарари йўқ. Акс ҳолда айтиб сотишингиз шарт. Валлоҳу аълам!
