Келишув
22:44 / 02.03.2022 | Muhammadumar | 896
Ассалому алайкум! Мен устачилик билан шуғулланаман. Мижоз билан кўпинча ишни тугатганимдан кейин ишга қараб нархини келишамиз. Базида мен айтган нархга мижоз рози бўлмай қолади. У айтган нархга мен рози бўлмай қоламан. Шундай вазиятда ким кўпроқ рози бўлишга ҳақли ва мен нима иш тутсам бўлади?
«Зикр аҳлидан сўранг» ҳайъати:
– Ва алайкум ассалом! Иш ҳали бошланмасидан аввал унинг пулини келишиб олиш шарт. Акс ҳолда бундай келишув фосид бўлади. Агар пул келишилмай иш қилинса охирида ужраи мисл, яъни шу ишга тўланадиган ўртача пул бериш вожиб бўлади. Бундан ортиғини талаб қила олмайсиз. Валлоҳу аълам!
