Нима қилишим керак
18:45 / 02.06.2022 | Tohir | 733
Ассалому алайкум! Мен бир супермаркетдан пластик карта орқали харидни амалга оширдим ва менга чек чиқариб берилди. Аммо, чекка қарамаган эдим ва ташлаб юборгандим. Уйга келгач, пластик ҳисобимни текширсам, аввалги сумма турибди, яъни харидим эвазига сумма камаймаган. Афсуски, чекни топишни иложи йўқ. Мен шу ҳолатда нима қилишим керак. Олган харидим ҳаром бўлиб қоладими?
«Зикр аҳлидан сўранг» ҳайъати:
– Ва алайкум ассалом! Сиз савдо қилгансиз, лекин пулини бермай кетгансиз. Дарҳол ўша супермаркетга учранг. Улар чек бўлмаса ҳам ҳаридингиз суммасини аниқлаб бера олишади. Ўшани тўлаб қўйинг. Валлоҳу аълам!
