Қарзга савдо
13:29 / 27.10.2022 | Diyorbek Khalimov | 533
Ассалому алайкум! Мен дўстимнинг компютерини сотиб олдим. Компютерини пулини бир қисмини бердим. Қолганини эса тезроқ қилиб беришга келишдик. Лекин пул бериладиган муддатни белгилаганимиз йўқ. Мен дўстимга пулим бўлганда бераман деган эдим. У ҳам рози бўлган эди. Шундай қилсак бўладими?
«Зикр аҳлидан сўранг» ҳайъати:
– Ва алайкум ассалом! Савдони нақд қилиб, сотувчи пулни кейинроқ олишга рози бўлган бўлса дуруст. Аммо насияга келишиб, муддати белгиланмаган бўлса савдо фосид бўлган. Фосид савдони қайтариш (яъни харидор товарни, сотувчи эса пулни қайтариши) лозим. Валлоҳу аълам!
