Майит(а)нинг кўзига тупроқ ташлаш
Ассалому алайкум! Бизда инсонлар вафотидан сўнг ғассоллар майит(а)ларни тозалаб ювишади. Қабрга қўйишгандан кейин юзини кўкраккача очишади ва қазилган тупроқдан дафн этишда қатнашаетганларга тарқатилади. Шу тупроққа дуо ўқиб тупроқлар йиғиб олинади. Ўша тупроқни майит(а)нинг юзи, кўзига ташланади. Сабаби майит(а)нинг кўзи тупроққа тўйсин деган маънода экан. Шу иш қанчалик тўғри? Бу амал аслида динимизда борми?
– Ва алайкум ассалом! Бу ахмоқликдан бошқа нарса эмас. Бу гапнинг асоси йўқ, буни қилиш билан қазои қадарга бўлган иймонларида шубҳа бўлиб қолади. Иймоннинг шартларидан бири яхшилик ва ёмонликнинг барчасини Аллоҳ таолодан деб билишдир. Маййитнинг кафанини очиб қўйиш мутлақо жоиз эмас. Динимизда маййитни юзи ҳам очилмайди, унга тупроқ ҳам солинмайди. Динни билмаган одамлар шунақа бидъатларга ишониб уларга амал қилишади. Динимиз бу каби ишлардан қаттиқ қайтаради. Сизлар ўзларингиздаги Ўзбекистон Мусулмонлари идораси вакиллигига бориб бу ишларни айтинглар. Улар бунга чора кўришади. Валлоҳу аълам!
