Иймон ва гуноҳ

Сиздан ўзимнинг ҳаётимда бўлаётган ҳодисалар ва унинг чораси ҳақида насиҳат олмоқчи эдим. Биз инсонмиз, баъзан билиб-билмай гуноҳ содир қилиб қўямиз. Кейин тавба қилиб, бу сафар яхши амалларни кўпайтиришга, илмимизни зиёда қилишга уринамиз, ибодатларни кўпайтирамиз. Вақт ўтиб яна гуноҳ қилиб қўямиз. Қилган амалимизни ювиш учун яна ҳам кўпроқ яхши амаллар қилсак, кейин ундан ҳам оғир гуноҳ қилиб қўймоқдамиз. Яъни борган сари қанча кўп яхшилик қилсак шунча кўп оғир ишларни қилиб қўйяпмиз. Ҳатто баъзан қўрқиб қоламиз, кўпроқ нарса ўрганиб унга амал қилишга ошиқсак, энди ундан ҳам катта гуноҳ қилиб қўймаймизми? Устоз нега шундай бўлаяпти? Қаерда хато қилаяпмиз, унинг давоси нима? Биз Раҳмон ва Раҳийм деб билган Аллоҳ барчамизнинг гуноҳларимизни мағфират қилсин.