Намоз
Ассалому алайкум! Нажосат ғализа қўйиқ бўлса, 1 дирҳам миқдоричаси намоз учун авф қилинган. Суюқ бўлса инсоннинг кафтини текис қилиб сув олганда ундан қолган миқдоричаси билан намоз ўқиса бўлади дейилган. Бу дегани уст бошга 3, 4, 5 томчи пешобга ўхшаб суюғи теккан бўлса, у билан намоз ўқиса бўлади деганими? Бу миқдоридаги нарсалар баданга сачрасачи? “Мўминнинг меърожи” китобида 55- бетда “нажосати хафифа кийим ёки баданнинг тўртдан бир қисмига тегса” дейилган. Олдиндан раҳмат.
Ва алайкум ассалом! 1 дирҳам миқдорича нажосат кийимга тегса, ювмасдан намоз ўқиса макруҳи тахримий билан адо бўлади. Агар ундан камроқ бўлса, макруҳи танзиҳий билан адо бўлади. Бу нажосати ғолизанинг ҳукми.
“Мўминнинг меърожи” китоби 55-бетда “нажосати хафифа кийим ёки баданнинг тўртдан бир қисмига тегса” деган гап эса нажосат ҳафифа тўғрисидадир. Валлоҳу аълам.
