Қадар ҳақида

Мени бугун “қадар масала”си ўйга солаяпти ва тушунмасдан қийин аҳволдаман. “Ҳадис ва ҳаёт” китобингизнинг 2- "ислом ва иймон" жузида, қазо ва қадар бобини ўқиб, мазкур масала ҳақида маълумот олган эдим. Бугун эса 36-"Зуҳд ва рақоиқлар" жузининг қазо ва қадар бобини ўқиб, кўнглим ғаш бўлиб қолди. Унда ёзилишича “инсон бўлиб ўтган ишга, афсус надомат чекиб, шу ишни қилганимда яхши бўлар эди, аттанг фалончини айтганини қилмаганимда иш бошқача бўлар эди” деб афсус надомат чекмасдан қадарга иймон келтириш лозим экан. Қазога иймон келтириш алоҳида, қадарга иймон келтириш алоҳида бўладими? Ва буларга иймон келтириш услубини ойдинроқ қилиб ўргатсангиз илтимос. "Ақидатут-таҳовия" шарҳининг талҳийси китобининг, қадарга иймон ва шунга боғлиқ бобларини ҳам ўқидим, лекин ойдинлик кирита олмадим.