Бир ҳадиси шарифни сўраб

00:00 / 26.04.2009 | eski savollar | 1742

Ассалому алайкум ҳурматли Шайх Ҳазратлари.Муҳтарам устоз Муҳаммад Содиқ ҳазратлари. Сарвари коинот ва рисолати паноҳ маҳбуб ва муаззам пайғамбаримиз Муҳаммад ибн Абдуллоҳ ҳазратлар соллаллоҳу алауҳи вассаламни Азбо деган туялари бўлган экан. Имом Буҳорий ривоят қилишларича бу туя ҳеч қачон ёки деярли ҳеч қачон пойгаларда ютқазмаган экан. Бир куни бир аъробий келиб ўз туясида Азбодан ўзиб кетибди.Бу ҳолдан саҳобаи киром розияллоҳу анҳумлар ҳафа бўлишибди. Шунда улуғ Пайғамбаримиз соллаллоҳу алайҳи вассалам бир ҳадис айтган эканлар.Турли китобларда шу ҳадисни ўқидим,лекин бу ҳадиси шарифни уларда бир ҳил таржима қилинмаган, яъни бир оз маънолари ҳар -ҳил келган. Шунинг учун сиздан шу ҳадисни ва бу ҳадиси шарифдан олинадиган фойдаларни ёзиб беришингизни илтимос қиляпман. Ман шогирдингизга яна илтифот қилиб шу ҳадиси шариф ҳақида Аллоҳ қодир қилганча маълумот беринг устоз.Аллоҳ сизни ва жами мусулмонларни ҳайрини берсин.

Шайх Муҳаммад Содиқ Муҳаммад Юсуф роҳимаҳуллоҳ:

- عَنْ أَنَسٍ - رضى الله عنه - قَالَ كَانَ لِلنَّبِىِّ - صلى الله عليه وسلم - نَاقَةٌ تُسَمَّى الْعَضْبَاءَ لاَ تُسْبَقُ - قَالَ حُمَيْدٌ أَوْ لاَ تَكَادُ تُسْبَقُ - فَجَاءَ أَعْرَابِىٌّ عَلَى قَعُودٍ فَسَبَقَهَا ، فَشَقَّ ذَلِكَ عَلَى الْمُسْلِمِينَ ، حَتَّى عَرَفَهُ فَقَالَ « حَقٌّ عَلَى اللَّهِ أَنْ لاَ يَرْتَفِعَ شَىْءٌ مِنَ الدُّنْيَا إِلاَّ وَضَعَهُ »- Анас розияллоҳу анҳудан ривоят қилинади:“Набий соллаллоҳу алайҳи васалламнинг Азбоъ номли туялари бўлиб, ундан ўзиб бўлмас эди. Бир аъробий ўзининг туяси ила келиб ундан ўзиб кетди. Бу мусулмонларга оғир ботди. У зот буни билдилар ва “Аллоҳ бу дунёда кўтарилган ҳар бир нарсани тушириши ҳақдир”, дедилар”.Бухорий ривоят қилган.Бу ҳадисда дунёнинг иши бир ундай, бир бундай бўлиб туриши ҳақида сўз бормоқда. Мусобақада доим ўзиб юрган ҳам, бир куни келиб ютқазиши борлиги айтилмоқда.