Илм олишдаги маслаҳатингиз

Ассалому алайкум, ҳурматли Шайх Ҳазратлари! Аллоҳ илмингизни бунданда зиёда қилсин. Ҳазрат, Аллоҳга шукр сиз ва бошқа бир қатор пайғамбарлар меросхўрлари китобларидан баҳраманд бўлмоқдамиз. Аммо биласизми, диний илмларни ўрганишга қанча қаттиқ киришсам, уларга амал қилишга ҳаракат қилсам, гуноҳларим ҳам шунча ортаётгандай, яъни гуноҳ ишларни олдингидан кўп қилиб қўймоқдаман. Баъзан бу шайтоннинг илм олишимиздан қўрқиб қилаётган васвасасими деб ўйлаб қоламан. Буни қандай изоҳлаш мумкин? Ёки кўпчиликда учрайдиган ҳолатми бу билмадим? Устоз дуо қилинг, шу олаётган илмларимизга амал қилишни Аллоҳ биз гуноҳкор бандаларига насиб айласин. Ислом йўлидаги катта хизматларингиз учун биз ғойибона шогирдларингиздан ташаккурларимизни қабул айланг.