2012 йил 21 декабрь
00:00 / 01.06.2009 | eski savollar | 2248
Ассалому алайкум шайх хазратлари. Мен ИНТЭРНЭТдан, телевиденияда ва бошка манбалардан 2012 йил 21 декабр хакида куплаб маълумотларга эга булдим. Айнан шу вактга Маяликларнинг календарининг тугаши, Нибури планетасини Ерга якин келиши, Шуман частотасининг 13 даражадан ортиши, 4 та планеталарнинг бир чизикка тизилиши ва Куёш системасининг галлактика марказидан утиш тугри келяпти. Уларнинг умумий фикрлари буйича 2012 йил охирзамон булиши хакида гапирилган. Бу масалада хозирда Ислом дунёси олимлари кандай фикрда эканлигини билмокчи эдим. Жавобингиз учун аввалдан миннатдорман.
Шайх Муҳаммад Содиқ Муҳаммад Юсуф роҳимаҳуллоҳ:
Бу каби нарсалар фолбинликдан бошқа нарса эмас. Қиёмат қачон бўлишини Аллоҳ таолодан бошқа ҳеч ким билмайди. Сиз айтганга ўхшаганлар неча марталаб қиёмат бўлиши эълон қилишган. Аммо доимо ўзлари шарманда бўлишган. Бизда қиёмат қачон бўлишини суриштиришга эмас, қиёматга тайёргарлик кўришга эътибор берилади.
