Рибо эмасми?

Ассалому алайкум! Мен қайта ишлаб чиқарувчи заводга маҳсулот етказиб бераман. Охирги молимни олганда, улар мендан икки ой муддатга қарзга сўрашди. Лекин мана олти ой бўлдики улар ишлаб чиқарган маҳсулотини сота олмаяпти. Уларни мендан валютада ҳам қарзи бор эди, лекин мен молимни сўмда сотганман. Мен ўзим олиб келган молимга валютада бошқа харидор топдим ва маълум миқдорда сотдик. Ҳисоб китобга келганда улар валютадаги қарзни валютада сўмдаги қарзни сўмда ҳисоблашди. Лекин харидор билан муомалани мен қилдим. Маҳсулотга ўзим харидор топдим. Кейин уларга берган молимни қайтариб беришини сўрасам, улар менга “маҳсулотини сота олмаса қайтиб беришга келишмаганмиз” дейшди. Агар улар молни қайтариб беришса ва мен шу молимни валютада сотсам рибо бўлар эмиш. Шу тўғрими? Жавобингиз учун раҳмат!