Рўйхатдан ўтган парол ёки логинингизни ёзинг
Ижтимоий тармоқлар орқали киринг:
Ёки рўйхатдан ўтинг:
Исмингиз
Э.Почтангиз
Паролингиз
Паролни такрорланг
Рўйхатдан ўтиш тугмасини босишингиз билан сайтдан фойдаланиш қоидалари билан ҳам танишиб чиққан бўласиз

Шу тўғрими?

14:34 / 22.09.2016 | Sevara | 2319

Ассалому алайкум! Ҳурматли устозлар, саволларга бераётган жавобларингиз учун раҳмат. Бир ёши улуғ киши “қурбонликка сўйилган молнинг суягини итга берилмайди” дедилар. Пишириб суяклари ажралгач ҳам итга бериб бўлмайдими?


«Зикр аҳлидан сўранг» ҳайъати:

Ва алайкум ассалом!

Ўша ёши улуғ киши “қурбонликка сўйилган молнинг суягини итга берилмайди” деб шариатда йўқ нарсани айтиб жуда катта журъат қилиб юбормадимикан деб қўрқамиз. Чунки динда бирор бир далилсиз, жоизни ножоиз ёки ҳалолни ҳаром дейиш, ёки аксини айтиш Аллоҳ ва Унинг расулига тухмат бўлиб қолади. Бирор бир ишончли манбаага суянмасдан туриб, ўзича бирор ҳукмни айтишдан сақланиш керак.

عَنْ عُبَيْدِ الله بْنِ أَبِي جَعْفَرَ عَنِ النَّبِيِّ صلي الله عليه وسلم قَالَ: أَجْرَؤُكُمْ عَلَى الْفُتْيَا أَجْرؤُكُمْ عَلىَ النَّارِ. رَوَاهُ الدَّارِمِيُّ

Убайдуллоҳ ибн Абу Жаъфардан ривоят қилинади:
«Пайғамбар соллаллоҳу алайҳи васаллам: «Фатвога журъатли бўлганингиз дўзахга журъатли бўлганингиздир», дедилар».
Доримий ривоят қилган.
Ким дўзахга тушишдан қўрқмаса, парво қилмасдан тўғри келган фатвони айтаверади.
Ушбу таълимотлар мусулмонларнинг аввалги авлодлари томонидан яхши ўрганиб чиқилган, уларга амал қилинган ва улар асосида махсус қоидалар ишлаб чиқилган эди.
Абдурроҳман ибн Абу Лайло бир масалани сўраб билиб олиш учун бир юз йигирмата саҳобийга мурожат қилганини, уларнинг ҳаммаси ўзидан бошқадан сўрашни тавсия қилганларини ривоят қилган.
Ўзидан илмлироқ кишининг борлигини билган олим ҳам ўзи фатво бермай мазкур билмлироқ кишидан сўрашни маслаҳат бериши қоидага киритилган.
Мусулмонлар ушбу қоидага қарши чиққанларга нисбатан муросасиз кураш олиб борганлар ва шунинг учун ҳам, турли ихтилофлар ҳамда бало офатлардан сақланганлар.(“Дин насиҳатдир” китобидан). Валлоҳу аълам!

Топ рейтинг www.uz Openstat