Фарзанд тарбияси
12:21 / 27.12.2016 | abdumajid | 3234
Ассалому алайкум! Қуръон сураларини ёдласанг қўл телефони олиб бераман деб фарзандимни қизиқтирсам ва фарзандим Қуръонни ҳамма сураларини ёдлаб олса, уни илмли инсонга текширтирсам яхши деб бахоласа ва сўзимда туриб телефон оберсам шу ишим тўғрими? Ёки бундай илм олиш нотўғрими?
«Зикр аҳлидан сўранг» ҳайъати:
Ва алайкум ассалом! Имом Ғаззолий раҳматуллоҳи алайҳ акаси билан отадан етим қолганларида мадрасага кириб ўқиганлар. Чунки у ерда ҳамма нарса бепул берилган. Имом Ғаззолий ўша вақтларни эслаб, “Илмни аввалда Аллоҳ таолодан бошқа нарсанинг мақсадида ўқидик. Илм бунга рози бўлмади. Охири фақат ва фақат Аллоҳ учун бўлиб кетди” деганлар. Фарзандларингизни ўша зотлардек бўлишини Аллоҳ таоло насиб қилсин. Валлоҳу аълам!
