Дўстимга берилган қарзни кечиш
15:36 / 04.10.2018 | Ботиржон | 1912
Ассалому алайкум! Ҳурматли устозлар, узр қимматли вақтларингизни олиб яна савол беряпман. Мен бир дўстимга дурустгина қарз бергандим, анча вақт ўтса-да, имкони бўла туриб қайтармади ва сафарга жўнаб кетди. Мен берган қарзимдан воз кечсам, садақа ҳукмида бўладими? Дўстим гуноҳкор бўлиб қолмайдими? Жавоб учун раҳмат.
«Зикр аҳлидан сўранг» ҳайъати:
– Ва алайкум ассалом! Сиз кечиш ўрнига кутиб тураверинг. Ҳар бир ўтган кунга савоб ёзилади. Шошилтирмасангиз дўстингиз ҳам гуноҳкор бўлмайди. Баъзи бир ишлар борки яхшилик бўлса-да, ўзгалар хулқининг бузилишига сабабчи бўлади. Ҳаддини билмайдиган кишини эркалатсангиз, оёқ кийимини ечмай тўрга чиқиб олади. У кабилар учун яхшиликнинг йўли, ундай қилишларига йўл қўймасликдир. Валлоҳу аълам!
