Талоқ айтганимдан кейин уйдан чимаса
08:18 / 20.01.2019 | 1060
Ассалому алайкум! Аёлим билан муносабатимиз дойим яхши бўлиб келган, лекин 4йил аввал озгина жанжаллашиб колганимизда аёлим мандан жавобини беришимни сўраган эди, ман жахл устида ўша вақтнинг ўзида талоқсан деб 2марта такрорлаганман, лекин аёлим остонадан чиқмади. Эртасига ман бир кишидан маслахат сўраб бўлган холатни чунтирдим, у киши ўша куни остонадан хатлаб чиқиб кетмаган бўлса талоқ тушмайди яшаб кетсангиз бўлади деганди. Яқинда бир саволда аёл киши талоқ сўраб олган бўлса талоқ тушган бўлади деган мавзуни ўқиб қолдим. 4йилдан буён никохсиз яшаб юрибмизми деб кўнглим хижил бўлиб қолди. Мен энди қандай йул тутишим керак, илтимос йўл кўрсатинг?
«Зикр аҳлидан сўранг» ҳайъати:
- Ва алайкум ассалом! Орага икки талоқ тушганлиги аниқ, никоҳ борасида бирор аҳли илмга учрашиб масалангизни аниқлатиб олинг. Чунки талоқнинг баъзи бир суратлари бўлиб, у билан уч имкониятдан баъзи бирлари қўлдан кетади, масалан сизни ҳолатингизда икки имконият қўлдан кетган. Никоҳ хутбасини ўқиш шарт бўлмайди, уни талоқи ражъий дейилади. Талоқ масаласини дуч келган одамдан эмас аҳли илмдан сўраш керак. Валлоҳу аълам!
