Қарздорнинг закоти
18:51 / 20.05.2019 | Bohodir Jorayev | 1656
Ассалому алайкум! Бизнинг ишлаб чиқариш цехимиз бор. 15 та ишчини доимий иш билан таъминлаш учун хом-ашёларни қарзга олиб туришга мажбурмиз. Шу сабабли доимий қарзимиз янгиланиб туради. Қўлимизда камдан-кам ҳолда нақд пул бўлади, лекин сотадиган маҳсулотимиз закот нисобига етади. Биз қандай қилиб закот беришимиз керак? Қўлимиздаги маҳсулотни закот ҳисобида берсак хам бўладими?
«Зикр аҳлидан сўранг» ҳайъати:
- Ва алайкум ассалом! Умумий айланмадаги пул ва маҳсулотни ҳисоблайсиз. Ундан қарзни чиқариб юборасиз. Агар қолган миқдор нисобга етса ва бир йил бўлган бўлса ўшанинг қирқдан бирини закотга чиқарасиз. Закотни маҳсулотдан бериш ҳам жоиз. Валлоҳу аълам!
