Закот масаласи
Ассалому алайкум! Закот масаласи бўйича менда икки савол бор: 1. Шариат ҳукмига кўра, закот бераётганда шу берилаётган маблағ закот эканлигини ошкора айтиб бериш шартми? Ёрдам сифатида берилаётган маблағни закот эканлигини ният қилган ҳолда, лекин маблағни олувчи инсонга буни ошкора айтмасдан берса бўладими? 2. Закотни қабул қилиб олувчи инсонга шахсан ўз қўли билан бериш керакми? Биз ҳозир чет давлатда яшаймиз. Бундай ҳолатда закот маблағини бошқа бир инсон орқали бериб юборишга рухсат борми? Қилаётган хайрли ишларингиздан Аллоҳ рози бўлсин!
Ва алайкум ассалом! Савол: Яқин қариндошларим ичида закот олишга ҳақли инсонлар бор. Уларга бу менинг закотим деб берсам уларни ёки ўзимни ҳижолатга қўйяман. Шунинг учун ҳеч қандай сўз айтмай уларга закотимни берсам бўладими?
Жавоб: Закотни унга ҳақли бўлган кишига бериш шарт. Закот деб номлаш шарт эмас.
لَا اعْتِبَارَ لِلتَّسْمِيَةِ ؛ فَلَوْ سَمَّاهَا هِبَةً أَوْ قَرْضًا تُجْزِيهِ فِي الْأَصَحّ
“(Закотни бераётган вақтда) Закот деб номлашни ҳеч қандай эътибори йўқ (лекин, закот деб ният қилиш шарт). Агар закотни ҳиба ёки қарз деб номласа, саҳиҳ қавлга биноан жоиз бўлади” (Раддул муҳтор).
Олинган манбаа : http://fiqh.uz/index.php/ibodat/zakot/380-zakotga-oid-savol-zhavoblar
Валлоҳу аълам.
