Қазо намози

20:49 / 20.05.2016 | Karimaxon | 3188

Ассалому алайкум! “Манба ул-маориф” номли китобнинг 45-фаслида Али (р.а) дан ривоят қилинибдики (қисқача кeлтираман) “ким қазо намозини ҳисобини билмаса, душанба кeчаси 50 ракъат нафл намоз ўқиб, эртасига рўза тутиб, офтоб кўтарилган вақтда яна 50 ракъат нафл намоз ўқиса, ўқилмаган намозларига кафолат бўлади» дeйилган. Шу саҳиҳ ҳадисми? Шунга асосланса бўладими? Илтимос, ман учун жудаям муҳим. Жавобларингизни кутаман.

«Зикр аҳлидан сўранг» ҳайъати:

Ва алайкум ассалом! Йўқ. У намоз ҳақида саҳиҳ ривоят йўқ. Мабодо заиф ривоят бўлса, қолдирганлигининг гуноҳига каффорот бўлиши мумкин. Лекин қазосининг ўрнига ўтолмайди. Чунки намозни қолдириш ўзи бир гуноҳ, қазосини ўқимаслик бошқа бир алоҳида гуноҳ. Қазо намозларини бирма-бир ўқимагунича зиммасидан соқит бўлмайди. Валлоҳу аълам!