Дадам билан муаммо
Ассалому алайкум! Дадамга диний масалада гапирсам дархол жахли чиқади, хеч қачон мазза қилиб динимиз хақида у ёки бу нарсада илм орттириш, дунё қарашимизни кенгайтириш учун диндан гаплашолмайман. Намоз ўқинг деб айтганман, лекин кимни гапидан тасирланган билмайман албатта бир неча кун ўқиди кейин ўқимай қўйди, яна такрор намоз ўқинг деб айтолмайман, бошқасини хам. Айтсам намоз ўқимасанг хам бўлаверади каби гаплар айтишидан қўрқаман. Шундай инсонга насихат қилмай юрсам менга гунохми? Барибир мени гапимни гап демайди. Дадам мени шу кунга қадар моддий тарафдан хечам кам қилмасдан таминлаб келаябди. Албатта буни оқлашим керак.
– Ва алайкум ассалом! Сиз гапириш ўрнига дадангиз кўп ўтирадиган ва кўзи тушадиган жойларга таъсирчан китобларни олиб келиб қўйинг. Худди ўзи ўқиб билиб олгандек бўлиб олсин. Орқасидан доим дуо ҳам қилиб туринг. Валлоҳу аълам!
