Масжидга эҳсон қилишим жоизми?
Ассалому алайкум! Мен мактабда дарс бераман. Мактабда янги ўқув йили бошланган куни менга дарс қўйилган эди. Ўша куни дарс ўтиш учун етарлича тайёргарлик кўрмаган эдим. Лекин ўша куни ҳамма синфларга мустақиллик дарслари бўлиб бизга дарс ўтмасдан кетавериш мумкинлигини айтишди. Аллоҳ таоло мени уялиб қолишдан асради. Кейин кунлар ўтиб бошқа бир куни дарс пайти оилавий иш билан рухсат сўраб дарсдан кетдим. Шу кунларни иккаласи учун ҳам оладиган пулим ҳалол эмасми ёки фақат бир кунникими? Ва шуни пулини масжидга шу ўқувчилар номидан деб ният қилиб, ажрини шу ўқувчиларга бергин Аллоҳ деб эҳсон қилсам бўладими?
– Ва алайкум ассалом! Гумон бўлгани учун ўша икки куннинг маошини камбағал кишиларга ўқувчиларнинг номидан ўзингиз савоб умид қилмай бериб юборинг. Ўзингиз ўша икки кунлик дарсларни ўқувчиларга таълим бериб қўйинг. Чунки ўқитиладиган дарс ва маълумотлар ҳам омонат бўлиб, уларни етказиш сизнинг зиммангиздаги бурч ҳисоланади. Валлоҳу аълам!
