Талоқ тушдими?
19:51 / 05.11.2021 | Shunchaki | 1331
Ассалому алайкум! Таҳорат олиб бомдодни ўқимоқчи эдим. Таҳоратим сингандек туйилди. Оёғимга суюқлик теккандай ҳис этдим. Олдимда аёлим борлиги учун таҳорат қилгани уялиб, намозни ўқуйвердим. Бу ишим билан диндан чиқиб қолмадимми? Агар диндан чиқиб қилса, орага талоқ тушадими?
«Зикр аҳлидан сўранг» ҳайъати:
– Ва алайкум ассалом! Таҳоратингиз сингани аниқ бўлмаса зарари йўқ, диндан чиқмайсиз ва талоқ тушмайди. Бундан кейин тахоратингиз сингандек туйилса текшириб кўринг, зеро ҳаё қилишга енг ҳақли Зот Аллоҳ таъолодир. Валлоҳу аълам!
