Ҳақ
16:13 / 12.07.2022 | Khusnidin | 676
Ассалому алайкум! Масалан менинг ойлигим 3миллион сўм. Бошлиғим менинг ойлигимни 3.3 миллионга яни 300минг сўмга ошириб бераман деб январ ойида айтди. Лекин ҳали ҳам ошириб бермади. Шу 6 ойда 300мингдан бўлса 1 миллион 800 минг сўмни менинг бошлиғимдаги ҳаққим деб ҳисобласам бўладими? 2 дунёда ҳам даъво қилсам бўладими? Шунчаки ваъдасида турмади.
«Зикр аҳлидан сўранг» ҳайъати:
– Ва алайкум ассалом! Ваъда берган бўлса унга хилоф қилиб Аллоҳнинг ҳузурида қаттиқ гуноҳкор бўлган. Агар сиз билан тузган шартномасида шунча беришни келишиб қўйиб энди бермай келаётган бўлса сизга зулм қилибди. Бу дунёда ҳам охиратда ҳам ўша пулни талаб қилишга ҳақлисиз. Валлоҳу аълам!
