Қаср
Ассалому алайкум! Мен Шайхимизни Мўминнинг меърожи китобларини ўқиб китобларидан олган тушунчам қуйидагича бўлди: мисол учун: Аср намозида мусофир киши имомликга ўтганда, мусофир 2 ракаат, иқтидо қилган 4 ракаат ўқийди, бунда 3-4-ракаатларда иқтидо қилган одам фақат рукнлардан бир бирига ўтишда Аллоху Акбар дейди, рукуъдан кўтарилаётгандаги дуони ва бошқа дуоларни ўқийди, қироат қилмайди яъни Фотихани хам ўқимайди. Бунда 3-4чи ракаатларда шунчаки туриб озгина муддат(4-5секунд атрофида) туриб рукуъ ва сажда қилиб намозини тугатади. 1) 3-4-ракаатларда Бисмиллах хам айтилмайдими? 2) рукуъдан қайтаётганда имом айтиши керак бўлган зикрни иқтидо қилган одам 3-4-ракаатларда ўзи айтадими ёки айтмайсдан фақат Роббана Лакал Хамдни айтадими? 3) агар мусофир имом 2-ракаатни ўқиб салом бериб намозини тугатса, иқтидо қилган одам 3-4-ракаатларни ўқиётганида мусофирнинг тахорати синса, иқтидо қилган одам хали намозини тугатмагани учун намози бузиладими ёки имом намозини тугатгани учун бузилмайдими? 4) 3-4-ракаатларда озгина туришда 4-5секунд турса кифоями, муддати қанча?
– Ва алайкум ассалом! 1). Қироат қилинмаса айтилмайди.
2). Иккисини ҳам айтади.
3). Бузилмайди.
4). 3 тасбеҳ миқдорича туради. Сиз ёзгандек 4-5 секунд кифоя. Валлоҳу аълам!
