Керакли буюмлар сотиб олиш учун кредит олиш
Ассаламу алайкум! Мен анчадан бери Америка Қўшма Штатларида яшаб келаяпман. Сизга битта саволим бор эди. Бу ерлардаги банклар, инсонларга қулайлик туғдириш мақсадида кредит беришни ё'лга қўйган. Бирор қимматроқ буюмни сотиб олиш учун бунча миқдорда пул бўлмаслиги мумкин, лекин банкдан олинган кредит хисобига у буюмни бўлиб-бўлиб тўлаш имконини беради. Масалан компютер сотиб олиш учун камида 500$ миқдордаги пул керак. Лекин кредит олса буни 1 йил давомида тўлаб борса бўлади. Шу масала юзасидан сизга саволим қуйидагича. Банкдан керакли буюмлар сотиб олиш учун кредит олса бўладими?Бир араб давлатилик биродардан сўрасак, ман сўраганман, шайхимиза рухсат берганла деган эди. Сиз нима дейсиз.
– Ва алайкум ассалом! Аввал билмаганингиз учун узрли ҳисобланасиз. Тезда қолган қарзни тўлаб юборинг. Агар тўлаб қўйган бўлсангиз, тавба қилиб, иккинчи бу ишни қилмасликка азму қарор қилинг. Кўнгил тўлиши учун фақирларга садақа қилиш ўзингизнинг ишингиз.
