Янги туғилганларга бериладиган нафақа
12:20 / 17.05.2018 | Muxsinjon | 2418
Ассалому алайкум! Азиз устозлар, бизда ёш чақалоқдан бошлаб давлат томондан оилавий шароитдан келиб чиққан холда бола нафақаси ажратилади. Шу нафақани ҳужжатини қилиб тайёрлаб бераркан, шу ишлари учун 100 $ олишаркан. Ушбу берилган пора учун кейин биз оладиган нафақа болам учун бутунлай ҳаром бўлиб қолмайдими? Жавоб учун олдиндан раҳмат.
«Зикр аҳлидан сўранг» ҳайъати:
Ваалайкум ассалом! Агар давлат томонидан белгиланган шартларга тушсангиз олишингиз ҳалол. Тушмасдан пора йўли билан тўғриласангиз нафақаси ҳаром бўлади. Чунки у муҳтож бўлганнинг ҳаққи ҳисобланади. Ўзи лойиқ бўлатуриб, шартларига тушиб туриб олишингиз керак эди. Ҳужжат тўғриловчи ҳаромхўрлик қилиб 100$сиз тўғрилаб бермайман деса берганингиз унга ҳаром, оладиган нафақангиз сизга ҳалол. Валлоҳу аълам!
