Қабр зиёрати

Ассалому алайкум! Мен «Қабр зиёратидаги нозик масала» деган мақолангизни ўқиб, менда савол туғилди. Абу Ҳанифа раҳматуллоҳи алайҳдан ривоят қилинади:
“Жобир розияллоҳу анҳудан ривоят қилинган: “Расулуллоҳ соллаллоҳу алайҳи васаллам қабрларни гипс билан сувашдан, унга ёзишдан ва унга бино қилишдан қайтарганлар” Муслим ривояти. Ҳадисга биноан қабр устига уй ёки гумбаз ёки шунга ўхшаш нарса қилиш макруҳдир” (Раддул муҳтор).  Мен шу жойни тушунмадим. Мен Самарқанда туғилиб ўсганман. Бизда жуда ҳам кўп авлиёларнинг қабрлари бор. Масалан Ал-Бухорий, Шохи Зинда ва бошқалар. Шу жойдаги қабрларини жуда ҳам ҳашамат билан безаб, арабча ёзувлар ҳам бор. Расулуллоҳ соллаллоҳу алайҳи васаллам бунақа ишлардан қайтарган бўлсалар нега бундай ишлар бўлаяпти? Мадинада ҳам Расулуллоҳ соллаллоҳу алайҳи васалламнинг қабрларини ҳашамат билан безашган.