Хато юборилган нарса

Ассалому алайкум! Мен чет эл интернет магазинларидан кўп нарсалар сотиб оламан, охирги харидимда буюртма қилган нарсамдан 3 нусхада келди. Мен 1дона сотиб олгандим, келганда хайрон бўлдим. Адашиб 3 марта босиб юбордимми деб. Текширсам биттасига пул тўлаганман. Магазин билан боғлансам улар хам хайрон бўлишди ва текшириб манга иккита бошқаларники кетиб қолганини айтишди. Мен шу 2 та ортиқча нарса учун етказиб беришга 35$ тўладим ва дўкондан шу пулни тўлаб беришса юкни қайтариб юборишга харакат қилишимни ёздим. Лекин юкни қандай қилишни билмайман тўғриси. Кейин магазин ортиқчасини қайтаришга мажбур эмассиз деб ёзди, мен эса эгаларига пулини қайтаришингизга тўғри келадику десам, хаммаси жойида деб айтишди. У интернет магазин Тао Бао да, нободо товар қўлингизга келиб тушмаса пул ундуриб берилади. Лекин хато ёки брак нарсаларни қайтаришни иложи йўқ, чунки қайтариш муддати сизга юборилгандан кейин 6 кун. Лекин Тошкентга келгунча 12-15 баъзида ундан кўпроқ вақт хам кетади. Савол шуки шу нарсалар манга халолми? Буни кимгадир сотиб, пулини эгаси номидан садақа қилишни хам ўйладим, лекин хали сотолмадим. Раҳмат