Балда – Маккаи Мукарраманинг номларидан бири.

Санъо – кўҳна шаҳарлардан бири, қадимдан Яманнинг пойтахти бўлган. Ямома – Араб жазирасидаги қадимий шаҳарлардан бири. У ҳозир Саудия Арабистони ҳудудида, Нажднинг жанубида жойлашган.

Ато – Расулуллоҳ соллаллоҳу алайҳи васалламнинг ҳузурларида жамланган ўлжа, садақа, ҳадя ва бошқа нарсалар.

Сайд – овланган ҳайвон.

Қараз – майда баргли, ёнғоққа ўхшаш, катта дарахт. Унинг баргидан тайёрланган модда ёрдамида ошланган терилар энг яхши терилар ҳисобланган.

Асбағ ‒ қуш тури. Одатда у заиф, кучсиз бўлади.

Кудо – Қуйи довоннинг чеккасидаги тоғ бўлиб, бу довонни ҳам гоҳида шу ном билан аташган.

Кадо – Юқори довон чеккасидаги тоғ. Баъзан мазкур довоннинг ўзи ҳам шу ном билан номланган. 

Ҳажун – Байтуллоҳдан тахминан бир ярим мил (2,772 км) узоқликдаги тепалик. 

Ҳавдаж – аёлларни кўтариб олиб юришга мўлжалланган, саватга ўхшаш мослама, аёллар тахтиравони. У кўпроқ туянинг устига ортилган.

Жиърона – Тоифдан Маккага киришда жойлашган шаҳар бўлиб, у билан Макка оралиги 6–7 мил келади. У умра учун мийқот ҳисобланган. 

Шажара – Мадина-Макка йўлидаги жой номи.

Икки шаҳар – Ироқдаги Куфа ва Басра. Иккаласига ҳам халифа Умар ибн Хаттоб розияллоҳу анҳунинг даврида асос солинган.