«Тоғут» сўзининг маъноси «жуда ҳаддидан ошувчи» бўлиб, истилоҳда Аллоҳдан ўзга ибодат қилинган ҳар бир нарсани англатади. Баъзи уламолар тоғутни шайтон ҳам дейишган («Қомус»дан). 

Нахла – Макка билан Тоиф ўртасидаги жой номи.

Тиҳома – Арабистон яриморолининг Қизил денгизга туташ жойлари шундай номланади. Тиҳома денгиз соҳили бўйлаб Янбуъдан Нажронгача чўзилган текисликлардан иборат.

Хунаса – хотинчалиш ёки ҳам эркак, ҳам аёллик сифати бўлган кимса. Хунасанинг имомлиги макруҳ саналади.

Абтоҳ – Макка ҳудудига киришдаги жой номи. У Батҳо ёки Муҳассаб деб ҳам аталади. 

Фазилат – бошқалардан афзал бўлиш. Баъзилар «фазила» сўзини жаннатдаги бир мақом ҳам дейишган.

Бурғу – ичи шох шаклида кенгайиб борувчи пуфлаб чалинадиган асбоб.

Мугуз – ҳайвон шохи.

Бақиъ – олдин дарахтзор бўлиб, дарахтлари кесилгач, уларнинг тўнка ва илдизлари қолган кенг майдон

Бутҳон – Мадинадаги водийлардан бирининг номи.

Зу Туво – Макка яқинидаги водий.

Сафровот – Марруз-заҳрондан кейин келадиган водийлар ёки тоғликлар.