Салъ – Мадинаи Мунавварадаги машҳур тоғ, Масжиди Набавийнинг шарқий томонида, тақрибан 500 м. узоқликда жойлашган.

Мусинна – қурбонлик қилишга яроқли ҳайвон. Беш ёшли туя, икки ёшли қорамол, бир ёшли қўй-эчки «мусинна» дейилади.

Жазаъа – Абу Ҳанифа раҳматуллоҳи алайҳининг айтишларича, олти ойлик қўй-эчки. Бу воқеада жазаъа деганда бир ёшлик улоқ назарда тутилган.

Дебож – нафис ипак мато.

Жубба – ипак, жун ва бошқа матолардан тикилган қимматбаҳо, узун устки кийим.

Истаброқ – қалин ипак мато.

Лағв – беҳуда, бефойда гап-сўз ва хатти-ҳаракатлар.

Айла – Мадина билан Миср ўртасида, Шом йўлида, Қулзум (Қизил денгиз) соҳилида жойлашган шаҳар.

Водил-қуро – Мадина билан Шом ўртасидаги маълум жой.

Жувосо – Баҳрайн қишлоқларидан бири бўлиб, кейинчалик шаҳарга айланиб кетган.

Вафд – ҳурматли тарафнинг ҳузурига келган меҳмонлар, делегация.

Мақъад – орқа тараф, думба.

Саъдон – тиканли ўсимлик бўлиб, туянинг севимли емиши ҳисобланади.