Саробурда – чодирнинг атрофини ўраб турадиган қурилма. Унинг эшиги бўлиб, чодирга у орқали кирилади. У асосан подшоҳлар, саркардалар ва зодагонларда бўлган.

Ақит – сутни қуритиб тайёрланадиган егулик.

Рикоз – дафина ва хазина. 

Тоба – яхши, олийжаноб, ёқимли. Набий алайҳиссалом Мадинани шундай деб ҳам номлаганлар

Тай тоғи – Мадина билан Шом ўртасида, денгиз бўйида жойлашган тоғ.

Қодисия - Кўфадан 15 мил масофада жойлашган шаҳар.

Мусла – маййитнинг жасадини қиймалаш, аъзоларини кесиб, пажмурда қилиш.

Эн кийим – тикилмаган, чойшабсимон оддий мато. 

Саҳул – Ямандаги мато тўқишда, кийим бўяш ва оҳорлашда машҳур бўлган ўлка.

Ҳанут – фақат маййит учун ишлатиладиган маълум хушбўйлик.

Сидр – Арабистонда ўсадиган бутасимон дарахт.

Сунҳ – Мадинаи Мунавваранинг чекка жойларидан бири. У билан Масжиди Набавийнинг ораси бир мил (1848 метр) бўлган.

Истабрақ – қалин ипак мато.