Ушайра – Янбуъдаги жой. Янбуъ қадимий шаҳарлардан бўлиб, Қизил денгиз соҳилига яқин. У ҳозир Мадина минтақасига қарайди.

Бувот – Мадинадан тахминан 80-90 км узоқликдаги, Макка-Шом йўлидаги тоғ ва унинг водийсининг номи. Бу ердаги тоғлар бир-бирига туташ бўлиб, уларни «Абвот» ҳам дейишади. 

Абво – Макка билан Мадина ўртасидаги қадимги қишлоқ. У ҳозир Маккаи Мукарраманинг Робиғ вилоятига қарайди. 

Рома-Ҳурмуз (ҳозир Ромҳурмуз дейилади) – Форс диёридаги қадимий шаҳарлардан бири бўлиб, ҳозирда у Эрондаги Хузистон вилоятининг марказий шаҳри ҳисобланади.

«Садар тавофи» – қайтиш тавофи дегани бўлиб, Видолашув тавофининг иккинчи номи. У ҳаждан қайтиш олдидан қилингани учун шундай деб ҳам номланган.

Тафил – Маккаи Мукаррамадан ўттиз мил (55,5 км) узоқликда жойлашган, Мажанна яқинидаги тоғ.

Маккаи Мукаррамадан ўттиз мил (55,5 км) узоқликда жойлашган, Мажанна яқинидаги тоғ.

Мажанна – Қадимги Макка шаҳридан тахминан бир барид масофадаги, Укоз бозори яқинида жойлашган сув ҳавзасининг номи (бир барид тахминан 55,44 км). У ерда шу ном билан аталган бозор ҳам бўлган.

Жалил – пояси майин, хушбўй ўсимлик. Расулуллоҳ соллаллоҳу алайҳи васалламнинг даврларида уйларнинг туйнукларини тўсиш учун ишлатилган. 

Шийза – ёғочи қаттиқ, қорамтир дарахт. Одатда ундан тароқ ва товоқ каби буюмлар ясалган. Бу ерда ўша ёғочдан қилинган товоқлар ва ўша товоқларда таомланадиган кишилар назарда тутилган.

Катам ‒ Яманда ўсадиган ўсимлик, ундан бўёқ олинади, бўялганда тўқ қизил ранг беради. Уни ҳинно билан аралаштириб бўялганда эса қизғиш-қорамтир ранг ҳосил бўлади.

Байтул-маъмур – «Обод уй», осмон аҳлининг қибласи. У осмонда, ердаги Каъбанинг қоқ тепасида жойлашган.

Ҳажар – Мадинага яқин шаҳарлардан бири. У ердаги хумлар ҳақида тингловчиларда етарли тасаввур бўлгани учун мазкур дарахт мевалари уларга ташбеҳ қилинган.