Мадина яқинидаги жой номи. Ҳадисларда Ҳафё билан Санийятул-вадоънинг ораси беш ёки олти мил дейилган.

Қалансува – турли кўриниш ва ҳажмга эга бўлган бош кийим, дўппи. Уни салла остидан ҳам кийишган.

Анбижония – Анбижон деган жойдан келтириладиган нақшсиз қалин эн кийим.

Мирт – ипакдан ёки ипак ва юнгдан тўқиладиган йўл‑йўл устки эн кийим (яхлит мато).

Валийма – никоҳ муносабати билан уюштирилган зиёфат, тўй.

Ҳайс – қуриган хурмо, ёғ ва толқон аралашмасидан тайёрланадиган таом.

Нибоз – савдо молининг устига бирор нарсани ташлаш орқали сотиб олганини билдириш. У «мунобаза» ҳам дейилади.

Лимос – савдо молини кўрмасдан, ушлаб кўриш орқали савдо қилиб олиш. У «муломаса» ҳам дейилади.

Сепоя – учта ёғочнинг учини бир-бирига боғлаган ҳолда тикка қилиб, кийим ва шунга ўхшаш нарсалар осиб қўйиладиган мослама (илгич).

Ажва – хурмонинг бир тури. Мадина хурмоларининг энг яхши навларидан бўлиб, сифати ва фойдалилиги билан бошқа навлардан ажралиб туради. 

Собий – эски динидан чиқиб, янги динга кирувчи. Жоҳилият араблари жоҳилиятдаги динини ташлаб, Ислом динига кирганларни шундай деб аташар эди.